CHUMACEIRA

A NOSA FELICITACIÓN

2011-12-22T02:15:00.000-08:00

Compartimos con toda a comunidade educativa do Ies Gracía Barbón a postal da Coordinadora .

LER NO NADAL

2011-12-22T01:57:00.000-08:00

A Coodinadora de Equipos de Normalización Lingüística dos centros de ensino da comarca de Verín e Viana do Bolo , que este curso coordina a compañeira Inma Otero, publicou un folleto con propostas de lectura para alumnado de todos os niveis . O folleto foi repartido entre o alumnos do IES García Barbón , como podedes ver na foto .

REUNIÓN CLUBE LECTURA PROFESORES

2011-12-22T01:20:00.000-08:00

E chegou o día para falarmos de Herba Moura , a novela de Teresa Moure que lemos os profesores participantes no Clube de lectura.

Herba Moura narra a historia de Hélène Jans e a raíña Cristina de Suecia, dúas mulleres do ´sec.XVII unidas pola figura do recoñecido filósofo René Descartes.Einés Andrade, situada no noso tempo, é a outra figura feminina da novela encargada a coñecera vida de Hélène e Cristina grazas á investigación que está a realizar para a súa tese doutoral .

Teresa Moure plantéxanos a evidencia dun universo feminino propio, nin mellor nin peor que od o home , pero no que poida ser ela mesma .

A novela é unha reivindicación dos sentidos , do mundo hedonistae un chamamento ao carpe diem.Un dos aspectos máis valiosos e logrados do libro .

Esta lectura xa nos levaba animando charlas e viaxes entre Ourense e Verín.Tivo os seus detractores e os seus apaixonados , e conseguiu acender unha animada polémica arredor do tema feminino / masculino .

Por suposto a charla estivo acompañada dos cafés e dun biscoito de Nelson. Home que posúe moitos deses " pequenos saberes invisíbeis" que como di Helénè sempre se consideraron de pouco ou nulo valor , pero que nos sabemos que son a GRAZA da vida .

SAÚDE PARA TOD@S E FELICES E BOAS LECTURAS

REUNIÓN CLUBE LECTURA ALUMNOS

2011-12-22T00:59:00.001-08:00

O 7 de Decembro reunidos nun agarimoso e bonito local da vila , os alumnos e mais os profes implicados no Clube de Lectura celebramos o 1º encontro deste Curso para falarmos do Manifesto Comunista .

Os alumnos de 1º Bac. tiñan o Manifesto como lectura obrigatoria este trimestre na Materia de Historia .

Foi Xosé M. Castro , o profe que se encargou de coordinar a charla e comezou facendo unha análise sobre as características formais do Manifesto : enunciación colectiva ,carácter programático proclamas e consignas ...E xa pasamos á mensaxe en si, ao contido do libro . O profesor abordou a teoría marxista facendo preguntas ao alumnos: que sabedes do comunismo?, Ten sentido a loita obreira hoxe ? E válida nos nosos días á crítica ao capitalismo ?

Parece que o Materialismo histórico pode resultar máis comprensíbel aos moz@s e axudalos a interpretar mellor a realidade que lles está tocando vivir .

GRAZAS A TOD@S POLA PARTICIPACIÓN

INTERCAMBIO LINGÜÍSTICO

2011-12-15T11:01:00.000-08:00

INTERCAMBIO LINGÜÍSTICO:

IES García Barbón e IES A Pontepedriña

Os membros do ENDL e o alumnado de 1º de Bacharelato estamos dispoñendo todo para comezar canto antes o intercambio lingüístico co alumnado do IES A Pontepedriña.

Emprendemos a actividade co convencemento de que será unha experiencia inesquecible!

En breve, as nosas cartas de presentación viaxarán cara a Compostela.

Encontros literarios

2011-12-09T15:49:00.000-08:00

Comezaron os encontros literarios do club de lectura.

O alumnado de Bacharelato reuniuse o pasado mércores 7 de decembro no bar Ábaco de Verín para parolar sobre a obra de Marx O manifesto comunista.

A charla-coloquio foi coordinada polo profesor Xosé Manuel Castro. Nela, profesorado e alumnado conversaron sobre a lectura, intercambiaron impresións e sensacións.

Aínda estás a tempo de unirte ao Club, anímate!

Herba moura. Teresa Moure

2011-11-13T15:14:00.000-08:00

"Das moitas formas que hai de amar, unha das máis poderosas, das máis suxerentes e das máis excitantes é o enamoramento literario"

-----------------------------------------------------------

O club de lectura do IES García Barbón arrinca a súa andaina coa lectura da obra de Teresa Moure Herba moura.

DATA da primeira reunión: xoves 15 de decembro.
HORA: 11:20 h.
LUGAR: biblioteca.
Presentación a cargo do profesor Xosé Manuel Castro.

CLUB DE LECTURA

2011-11-08T02:50:00.000-08:00

Dende o ENDL do IES García Barbón estamos a pór en marcha un CLUB DE LECTURA. Estades tod@s convidados a participar. Xa son moit@s @s que formamos parte del. Grazas ao alumnado de Bacharelato por acoller con tanto entusiasmo esta nova iniciativa. Esperámosvos!

"MIÑA GALICIA" de Rosi Do Nascimento cantada no conceto de Emilio Rúa:::

2011-06-23T08:08:00.000-07:00

Emilio Rúa arrasa no Barbón::::

2011-06-22T04:35:00.000-07:00

E non só porque o concerto de onte deu moito de si. Emilio cautivou a un público moi entregado, pero tamén PAULA Barazal Vivián quen cantou LELA a capela cautivando ao público. Emilio interpretou unha peza composta por Rosi Do Nascimento, alumna de ESA facendo as delicias do público.
Con este concerto despídese a actividade do curso. PARABÉNS Paula, Rosi e Emilio e GRAZAS por deleitarnos con este concerto.

CONCERTO EMILIO RÚA MARTES 21 DE 5.30 A 7 NO SALÓN DE ACTOS DO IES GARCÍA BARBÓN:::

2011-06-16T01:54:00.000-07:00

Desde o EDL [Equipo de Dinamización da Lingua Galega] do IES García Barbón temos a ben anunciarvos a actuación prevista para o vindeiro MARTES 21 DE XUÑO no SALÓN DE ACTOS do centro do cantautor EMILIO RÚA.Emilio Rúa ten publicados os seguintes discos no mercado: Emilio Rúa (Edicións do Cumio 2000 ), Vida Miña ( Boa Music 2006), Interior ( Pai Música 2010).Colabora habitualmente con destacadas personalidades no mundo da música coma Uxía, Xosé Manuel Budiño, Luís Tosar, Xosé Carlos Caneiro, Guadi Galego, Quin Farinha, Tony Lomba, Manolo Rivas, etc.Gañou no 1999 o primeiro Premio no festival local de Verín Lluvia como Risa Furiosa. Colaborou en distintos proxectos do audiovisual galego coma o documental En Son de Paz do Instituto Galego de Educación para a Paz co tema musical firmado por Emilio Rúa En Nome da Paz do CD Vida Miña. Cantou e actuou na longametraxe de Ignacio Vilar Pradolongo. É o protagonista de videoclips musicais como Búscame (Boa Music ), Seres de Ficción ( CRTVG-Xabarín Club ), Interior ( PAI Música ) . Emilio Rúa chega ao IES GARCÍA BARBÓN de man dunha alumna de 2º de Bacharelato (Paula Vivián) con quen interpretará algunha peza, pero será un concerto con sorpresas e emotivo ao ser a despedida deste curso 2010/2011 e ao interpretar algún texto composto por alumnado do centro.
Ao mellor xa coñeces a EMILIO RÚA, sóanche estas cancións?
VIDEOCLIP NO XABARÍN CLUB

HOMENAXE A ANDRÉS DO BARRO

Visita ao CASTELO DE MONTERREI:::

2011-05-19T04:19:00.000-07:00

O alumnado de 1º de Bacharelato asistirá o vindeiro venres 27 durante a mañá ao castelo de Monterrei para facer unha actividade didáctica que ten como obxectivo recrear os tempos de final do medievo, aprender un pouquiño de literatura da época e coñecer o baluarte histórico, referencia cultural da comarca.

17 DE MAIO DÍA DAS LETRAS GALEGAS: LOIS PEREIRO:::

2011-05-12T04:11:00.000-07:00

O departamento de lingua galega e EDL organizan o concurso PEREIRÍZATE. No corredor do baixo (ao carón da aula de informática) podes ver unha exposición sobre o autor de Monforte. Consigue as fichas para participar en PEREIRÍZATE e cúbreas coa información que che piden sobre a exposición, logo deixa a ficha cuberta na caixa de correo instalada ao carón da conserxería. Hanse sortear os poemarios do ilustre poeta.
Tes información sobre LOIS PEREIRO neste enlace

Recordamos que o CORRELINGUA se celebra o venres 13 pero que o noso centro non participa:::

2011-05-06T03:12:00.000-07:00

Amir García, un vigés que arrasa na TV xaponesa cantando AS BÓLAS DO DRAGÓN en galego:::

2011-04-29T02:45:00.000-07:00

Un español gana un concurso de la televisión japonesa cantando anime from Amir Garcia on Vimeo.

calendario MAIO

2011-04-26T02:54:00.000-07:00

comeza a marcha atrás CORRELINGUA 2011!:::

2011-04-21T06:57:00.000-07:00

WWW.CORRELINGUA.ORG

videoARTE coa túa PARTE:::

2011-04-08T02:22:00.000-07:00

Concurso de VIDEOCREACIÓN “videoARTE coa túa PARTE” EDL IES García Barbón

Desde o IES GARCÍA BARBÓN queremos convidar a toda a comunidade educativa tanto do noso centro coma dos centros integrados na coordinadora comarcal a participar no certame de videocreación "videoarte coa túa parte". Neste blog iremos colgando as novidades e solucionando as dúbidas que poidan xurdir. De momento podemos consultar as bases, que son estas:

Concurso de VIDEOCREACIÓN

“videoARTE coa túa PARTE”

EDL IES García Barbón

BASES

Poderá presentarse todo o alumnado dos IES das comarcas de Verín e Viana do Bolo pertencentes á coordinadora comarcal de Equipos de Dinamización da Lingua Galega.

Poderánse entregar traballos até o día 31 de maio de 2011 dirixidos ao correo electrónico do EDL do IES García Barbón [normalizacionbarbon@gmail.com]

O traballo consistirá na realización dunha videocreación a partir dun tema musical entre varios propostos polo xurado. Esta videocreacion pode ser feita en calquera soporte dixital [programas de creacion de video informaticos, móbiles…] e formato e estension [.avi, ppt...]

Para inscribirse débese enviar un correo a normalizacionbarbon@gmail.com indicando nome, apelidos, curso e centro de ensino ao que se pertence. Confirmarase a inscrición cun correo resposta onde figurarán as pezas musicais coas que se pode traballar.

O xurado valorará os seguintes aspectos: orixinalidade, complexidade na realización, estética, adecuación ao tema musical escollido, innovación...

Cada participante poderá presentar un máximo de dúas obras

Premios: todos os participantes recibirán un agasallo . De entre todos eles o xurado escollera un traballo gañador que recibirá un VIDEOPACK [lote de produtos relacionados coa musica, banda deseñada...]

Estas son as cancións coas que se pode participar:

1.Carmen Rey-Areas de Sal

2.Hugo Torreiro-Por verte sorrir

3.Pirritx, Porrotx eta Marimotots -Quérote máis

4.Joselito-O Merengue do Porquiño

5.Duplo Son- Casa do Río

6.A Banda da Balbina- Fillo do Mar

7.Tvg- As bólas do Dragón

8.DJ Sonic- Sen ti

9.Fanny e Alexander- Amei-te tanto

9. Hevel e Rayel - Move Move

10.Pulpiño Viascón- In the Ocean

11.Paula Madero - Preto de Min

12. Projecto Mourente - Coma os caranguexos

13.O Neno Tesoira - Rumborranchera

14. Ses - Tola atrás de ti

15. Vicent Jalo - Xirarei on you (Machuco)

charla sobre GARCÍA BARBÓN:::

2011-04-08T02:17:00.000-07:00

A Casa da Cultura de Verín acolle HOXE 8 de abril, ás 20.15 horas, unha charla e audiovisual sobre Xosé García Barbón, realizada polo etnógrafo e historiador Xerardo Dasairas. No transcurso da mesma proxectarase un audiovisual sobre o insigne verinés creador da electra de Verín, do Balneario de Cabreiroá entre moitas outras accións meritorias para a nosa vila e bisbarra.
info

Barbón PRESS de abril:::

2011-04-07T07:51:00.000-07:00

Comenius en Verín:::

2011-04-07T05:16:00.000-07:00

Desde o 4 ao 8 de abril, vintecatro alumnos do Istituto Tecnico Industriale 'E. Fermi' de Barletta (Italia) e Plunge Senamiescio Secondary School de Plunge (Lituania), acompañados de profesores, once estudantes do IES García Barbón e educadores do mesmo centro están visitando a Eurocidade Chaves-Verín, para clausurar o proxecto 'Explorando a Similitude e Diferencia', enmarcado dentro do programa educativo Comenius.

Durante esta primeira xornada, alumnos e profesores dos tres centros educativos foron recibidos polos rexedores municipais de Verín, Juan Manuel Jiménez, e Chaves, Joâo Batista, que lles mostraron actuacións e proxectos que se están desenvolvendo no ámbito da Eurocidade Chaves-Verín. Durante os restantes días, ademais de presentar os traballos realizados, visitaranse diferentes cidades galegas e os recursos termais, vitivinícolas e patrimoniais das localidades de Chaves e Verín.

O proxecto 'Explorando a Similitude e Diferenza', realizado durante dous cursos lectivos (2009-2011), naceu co obxectivo de analizar as semellanzas e diferenzas de dous aspectos básicos da cultura tradicional dun país: gastronomía e música. Nas respectivas viaxes a Italia e Lituania expuxéronse traballos sobre instrumentos tradicionais e proceso de elaboración do pan, nesta visita presentaranse os dous últimos: cancións tradicionais -transcritas ao inglés da súa lingua orixinal e interpretadas por xente maior da zona- e menús festivos da época da Coresma -martes de Entroido en Verín, festa de Pascua en Barletta e xoves de Despedida do Inverno en Plunge-.

A Eurocidade Chaves - Verín é un proxecto de cooperación transfronteiriza aprobado no ámbito do Programa de Cooperación Transfronteiriza España-Portugal (POCTEP), coa participación financeira da Unión Europea (co-financiamento FEDER).

Abril, mes da lectura:::

2011-03-30T08:20:00.000-07:00

MASASHI OKI, DESDE TOKIO RELATA O GRANDE SISMO DO XAPÓN:::

2011-03-16T06:56:00.000-07:00

Masashi Oki é un xaponés namorado de Galicia, por iso abriu un espazo en internet [blog.livedoor.jp/Galicia] para establecer un diálogo cultural galegoxaponés: “quero introducirvos a cultura xaponesa aos galegos e a cultura galega aos xaponeses! O intercambio cultural construirá unha boa relación entre Galicia e Xapón” declara na páxina de inicio.
Masashi saltou á actualidade informativa canda ao sismo xaponés ao relatar a tempo real e en galego como viviu os primeiros momentos do Shindo.
Na súa web fala moito de Galicia en xaponés para os nipóns: gastronomía, xeografía, festas, lingua… e para nós comenta na nosa lingua aspectos da vida xaponesa que nos resultan curiosos e sorprendentes.
No momento de se producir o Gran Sismo viña de presentar un libro para dar a coñecer na Illa a nosa terra, baixo o título Os 50 capítulos para coñecer Galicia (Akashi Shoten). El é autor do apartado relativo á historia e a política de Galicia; “Perdoádeme que non puiden ensinarvos a publicación. Quería informar mais pronto, pero uns minutos despois de twitear sobre isto, ocurriu o terremoto”. E é que o libro se publicou o pasado 5 de marzo.

BARBONPRESS MARZO:::

2011-03-11T03:28:00.000-08:00

FELIZ ENTROIDO:::

2011-03-04T06:18:00.000-08:00

Arrancou o entroido, e con el xa está na rúa a nosa actividade MEMORIA DE ENTROIDO, logo de recollermos fotos e buscalas antigas (que difícil nos foi) xa podemos ver nos bares e na Casa do Escudo a mostra. Tedes toda a info no blog da coordinadora

JORGE COIRA ESTARÁ NO IES GARCÍA BARBÓN O 28 DE MARZO:::

2011-02-17T02:28:00.000-08:00

O director de 18 COMIDAS achegarás ao noso IES para falarnos deste filme e do seu traballo no ámbito audiovisual. Será o vindeiro LUNS 28 DE MARZO no SALÓN DE ACTOS do centro.
ACCEDE Á WEB DE 18 COMIDAS
Sentímolo, o teu navegador non soporta marcos.

CARTEIS dillo en galego... PIN PAN PUN:::

2011-02-16T02:27:00.001-08:00

BARBONPRESS de febreiro:::

2011-02-04T02:55:00.000-08:00

Estamos no TUENTI, agréganos:::

2011-01-28T02:51:00.000-08:00

Se queres estar á última non tes máis que agregarnos no tuenti, búscanos co nome de "chumaceira" ou co correo noso "normalizacionbarbon@gmail.com"

MEMORIA DE ENTROIDO:::

2011-01-14T05:19:00.000-08:00

É un proxecto do EDL do IES García Barbón e da Coordinadora de Equipos de Dinamización da Comarca

Barbon Press de xaneiro:::

2011-01-06T10:59:00.000-08:00

calendario xaneiro 2011:::

2011-01-06T07:58:00.000-08:00

flcita o ndl en ggo!!!:::

2010-12-18T06:56:00.000-08:00

PARTICIPA no concurso de SMS do Nadal!!!
EIQUÍ tes mil ideas para felicitar en galego

The Homens este sábado na Casa da Xuventude de Verín:::

2010-12-16T01:29:00.000-08:00

18/12/2010 Verín 18:00 Casa da Xuventude
19/12/2010 Xinzo de Limia 18:00 Telecentro- Casa da Cultura
Máis info neste enlace

LER NO NADAL, LER NO BARBÓN:::

2010-12-14T05:41:00.000-08:00

O EDL do GARCÍA BARBÓN así como a COORDINADORA de EDL das Comarcas Verín-Viana queren desexarvos unhas felices festas. Que o novo anos sexa normalizador para o noso idioma! E para comezarmos con bo pé queremos agasallarvos con esta escolma de lecturas para amenizar as horas de lecer vacacional...
En breve habemos darvos copia en papel

Poema colectivo de "moita poesía, pouca diversión"

2010-12-01T04:52:00.000-08:00

María Lado envíanos o cadáver exquisito que construímos este luns no recital "moita poesía, pouca diversión"
"Non hai máis butano, amor"
fráxiles como todo o que vale a pena
medran coma xirafas e nunca devoran,
escribían mensaxes instantáneas
e que dicir das magnolias?
unha puta ou un mariñeiro borracho
ademais, cuspimos sobre ti,
ti, precisas deterxente.
hai unha nube moi grande e mpio escur apolo ceo
puta resabida que asustaches os romanos
xa te imaxina estreñida e rugosa,
pequena peter pan,
e viaxar dunha a outra nun segundo.

Fotos de "moita poesía, pouca diversión":::

2010-11-30T00:28:00.000-08:00

Presentan unha nova gramática da lingua galega, unha ferramenta óptima para mellorar a calidade da nosa fala:::

2010-11-17T00:35:00.001-08:00

Tes INFORMACIÓN enste enlace

Lucía Perez gaña un concurso estatal cunha canción en galego: O Incio:::

2010-11-15T06:50:00.000-08:00

A cantante Lucía Pérez vén de gañar o "I Festival de la Canción Gay, Gayvisión" celebrado en Torremolinos (Málaga) A canción seleccionada como gañadora é en galego e fala do Incio, a terra de orixe desta cantante. Pódese atopar esta peza no seu disco "Dígocho en galego".

29/11/2010 ás 17:20 no salón de actos do IES García Barbón:::

2010-11-10T08:08:00.000-08:00

Así foi o "DÍA DA CIENCIA EN GALEGO" no IES García Barbón:::

2010-11-06T07:58:00.000-07:00

A xornada da ciencia en galego trancorreu con normalidade no noso IES, durante toda a xornada captáronse palabras de todos os ámbitos e nos distintos niveis para construir a árbore da ciencia. Nestas imaxes podemos comprobar o produto final:

hoxe é o día da CIENCIA en GALEGO:::

2010-11-04T01:10:00.000-07:00

Se hoxe te atopas cunha cousa rara no vestíbulo do centro non te asustes, é a ÁRBORE DA CIENCIA DO BARBÓN. Hoxe é o día da CIENCIA EN GALEGO e no noso IES teremos unha actividade na todos/as poderemos colaborar. Trátase de encher esa árbore con palabras do ámbito científico tomadas nas clases, se lle preguntas aos teus profes xa eles che explicarán con detalle.

referencias na prensa:
Un idioma para a física e a química
O tren da modernidade

Abrindo portas:::

2010-11-02T02:44:00.000-07:00

A memoria da lingua from as candongas do quirombo on Vimeo.

Versión humorística dunha canción que arrasa no youtube.com:::

2010-10-30T04:01:00.000-07:00

Esta versión do himno dos mundiais de fútbol foi o top5 de youtube a nivel internacional

BARBÓN PRESS outubro e novembro:::

2010-10-29T02:57:00.000-07:00

mes de outubro

mes de novembro

Feira de Santos en CHAVES:::

2010-10-27T02:09:00.001-07:00

A vindeira fin de semana celébrase un dos maiores acontecementos culturais do norte de Portugal, a prensa xa se fixo eco da que se prevé unha cita multitudinaria

LER NOTICIA

Acusan a unha imprenta de "secuestrar" o último número da revista RETRANCA:::

2010-10-27T01:50:00.000-07:00

A revista RETRANCA é coñecida por facer un humor ácido con temática social e política, por iso é tan polémica. Desta volta hase facer máis coñecida aínda posto que a publicaban nunha imprenta murciana que, literalmente, "secuestrou" o último número relativo á visita do Papa a Santiago de Compostela. Aínda que a empresa que a edita di que non están obrigados a facer a impresión, o certo é que os contidos polémicos que trata botaron para atrás á imprenta. Seguramente isto supoña unha publicidade maior para a RETRANCA. Podes acceder ao blog da revista neste enlace.

O galego fálase «nos catro cantos do mundo», di a presidenta dun instituto cultural galaico-brasileiro:::

2010-10-26T03:18:00.000-07:00

Poder ler a noticia neste enlace.

Crean a plataforma "A Carolina en Galego":::

2010-10-19T01:25:00.000-07:00

Logo da polémica pola aparición da Carolina en castelán nos libros de música de primaria, xorde unha plataforma lúdica que xa está a cantar "A Saia da Carolina" como se fixo sempre, no noso idioma...
pica neste enlace que é o da plataforma

O GALEGO CON CORAZÓN

2010-10-17T01:55:00.000-07:00

Novo espacio da Rede no que se promociona e se informa sobre a nosa lingua.

Aquí poderás visita-la historia e a situación do galego, comprobar como se din algunhas das nosas palabras noutros idiomas, ou explorar outros puntos de interese sobre o tema.

http://www.galego.org/

4 de novembro: día da ciencia en galego:::

2010-10-15T01:56:00.000-07:00

O vindeiro 4 de novembro celébrase o DÍA DA CIENCIA EN GALEGO.
No Barbón ímolo celebrar coa construción da gran ÁRBORE DA CIENCIA DO BARBÓN.
Esta instalarase na entrada do IES e pouco a pouco irase enchendo de follas con palabras da ciencia en galego que poderemos sacar das aulas para darlle moita folla á nosa árbore.

Cantando en galego... nunha escola da India!!!:::

2010-10-13T07:49:00.000-07:00

En Pubai-Orissa, nunha zona illada India, existe unha escola financiada por uns 280 veciños de Cangas a través da ONG Shanga. Pagan 6 euros ao mes, abondo para alimentar a un dos 500 cativos hindús no María Soliña de Asia.

Ademais de alimentalos, os nenos reciben toda a formación oficial que marcan as autoridades dese estado. Entre clases non podía faltar a música.

Velaí un vídeo cunha mostra do que aprenderon.

Actividades reivindicativas de QUEREMOS GALEGO:::

2010-10-08T01:51:00.000-07:00

A plataforma cidadá QUEREMOS GALEGO organiza dúas actividades nos próximos días para reivindicar a necesidade de fomentar o ensino en galego.
- CIRCO DA LINGUA.
Soutomaior 16 de outubro.
concertos, actividades para nenas e nenos, feira do libro, espectáculos de todo tipo...
Podes ver o cartaz neste enlace e o programa nestoutro
- PEREGRINAXE POLA LINGUA.
Unha outra maneira de loitar contra o decretazo.
Desde Ourense a Santiago en catro etapas os domingos 10, 17, 25 e 31.
Programa aquí.

ciencia en galego:::

2010-10-06T04:17:00.000-07:00

En galego tamén se fai ciencia from En galego tamén se fai ciencia on Vimeo.

a historia do noso idioma, por Pepe Carreiro:::

2010-10-06T04:08:00.000-07:00

En Ferrol fálase: Javier Gómez Noia fala para EUFALO:::

2010-09-18T02:12:00.000-07:00

Javier Gómez Noya ten 27 anos, é ferrolán e acaba de proclamarse Campión do Mundo de Triatlón. No mesmo día en que lle ofrecía á súa cidade este gran triunfo, falou coa xente de Ferrol con lingua da súa relación co galego, tanto na casa como a nivel internacional.

O galego tamén se defende con música

2010-06-22T09:21:00.001-07:00

A PROL DO GALEGO

2010-06-10T13:48:00.000-07:00

ORGULLOS@S DO GALEGO

2010-06-07T13:40:00.001-07:00

EN GALEGO TAMÉN SE FAI CIENCIA

2010-06-02T09:56:00.000-07:00

http://www.engalegotamensefaiciencia.eu/

ELECCION DA PALABRA GALEGA MAIS FERMOSA

2010-05-31T04:00:00.000-07:00

ENTRA NO BLOGUE CHUMACEIRA (EN COMENTARIOS )E DEIXA A TÚA PALABRA EN GALEGO PREFERIDA, SE QURES PODES FACER UN PEQUENO COMENTARIO DA TÚA ESCOLLA. ELIXE A TÚA:

BICO, NAI, RÚA, ÁNIMA, AGARIMO, RONSEL, GUINDASTRE, CORREDOIRA, CAN, LÚA, FERREIRIÑO, MUIÑADA, RUEIRO, CANASTRO, TRABE, OURO, TIXOLA, BOLBORETA, LEDICIA, MARIÑA, BUBELA, CARRIZO, SEBE.................,

III EDICIÓN DO PREMIO DE BLOGS BARBÓN BLOG

2010-05-22T01:52:00.001-07:00

Alumnado de Tic
Diplomas

O ACTO DE ENTREGA DE PREMIOS SERÁ O DÍA 3 DE XUÑO ÁS 13.30 HORAS NO SALÓN DE ACTOS

situación actual do idioma galego:::

2010-05-20T03:20:00.000-07:00

O programa "O Faladoiro-Bos días" da Galega convidou a Marta da Costa (escritora) Henrique Monteagudo (lingüísta especialista en sociolingüística) e Belén Regueira (locutora de Radio e presentadora de TV) para falar sobre a situación actual do idioma galego. Accede ao programa nesta imaxe

aprázase o CORRELINGUA até novo aviso:::

2010-05-19T01:15:00.000-07:00

O correlingua, máxima expresión do orgullo de ser galeg@, queda aprazado ata novo aviso:

O motivo? a choiva que facía inviable a movilización de tantos compañeiros e compañeiras de toda a comarca polo casco urbano de Verín, hai que ter en conta que eran milleiros os estudantes convocados, moitos deles de curta idade (primaria). A organización do evento falou de suspensión temporal, é posible que se anuncie para o mes de xuño.
De momento ponte a cantar o noso himno (pódelo descargar de balde aquí)

O GALEGO O NOSO EXISTIR

2010-05-16T04:07:00.001-07:00

17 DE MAIO, 2010

Falta só UN DÍA para o CORRELINGUA:::

2010-05-12T02:22:00.000-07:00

Xa está todo preparado para o CORRELINGUA DE VERÍN: Actuará o grupo gañador do CANTALINGUA deste ano, Machina. Podes ver o videoclip. Tamén haberá un sketch teatral con CHÉVERE, recoñecerás aos seus actores e actriz pola serie de TV Pepe o Inglés, bótalle un ollo ao video do primeiro capítulo...

TOXIC PERCEBE:::

2010-05-10T07:20:00.000-07:00

Directamente extraído da Ría de Vigo chega unha curta chamada "TOXIC PERCEBE", cociñada por Xabier Xácome e Martín Fiallega. Preséntanola no García Barbón o propio guionista e director. É a historia da Galicia post-Prestige. O fuel non só contaminou as praias senón que tamén provocou cambios xenéticos nunha das especies máis valoradas do noso mar: os percebes. Este é o punto de orixe desta curtametraxe ao máis puro estilo "cómic de serie B" no que convivirán voluntarios para a limpeza con narcotraficantes e... mírao ti mesmo/a; O Monstro Percebe :D

CHEGOU A VERÍN, agárrate á túa butaca e... COIDADO CO PERCEBE!!!

CHARLA COLOQUIO CON ISABEL RISCO E XABIER XÁCOME

2010-05-05T03:37:00.000-07:00

Isabel Risco

1º CONCURSO DE CAMISOLAS

2010-05-05T03:35:00.000-07:00

Idea Bases Concurso Camisolas-1

O CORRELINGUA SERÁ O VENRES 14 DE MAIO

2010-05-05T01:27:00.000-07:00

ATENCIÓN 1ºBACHARELATO DO GARCÍA BARBÓN!!!
O CORRELINGUA na nosa bisbarra estaba anunciado para o día 11 de maio, pero a organización cambiou esta data pola do venres 14 de maio, en breve recibirás as autorización para poder asistir á gran FESTA DA LINGUA GALEGA, en vísperas do día das letras.

CALENDARIO-PROGRAMA
CALENDARIO NOUTRAS LOCALIDADES
DESCARGA O HIMNO DO CORRELINGUA
LE O MANIFESTO 2010
VIDEO CORRELINGUA-VERÍN ANO PASADO
NO IES GARCÍA BARBÓN... ORGULLOS@S DO NOSO, ORGULLOS@S DO GALEGO!!!

GALEGANDO (I.E.S. PINTOR COLMEIRO)

2010-05-04T01:46:00.000-07:00

CONCURSO DE CAMISOLAS

2010-04-28T12:36:00.000-07:00

DENDE O ENDL ESTAMOS PREPARANDO AS BASES DO CONCURSO DE CAMISOLAS PARA O FOMENTO DA LINGUA GALEGA, ASÍ QUE XA PODEDES IR BOTANDO A VOAR A VOSA IMAXINACIÓN
PARA OS QUE ANDEN PERDIDIÑOS AÍ VOS VAI UN EXEMPLO PARA QUE VEXADES POR ONDE VAN IR OS TIROS (ORIXINALIDADE, HUMOR.....)

ISABEL RISCO E XABI XÁCOME NO NOSO INSTITUTO

2010-04-28T12:25:00.000-07:00

O DÍA 10 DO VINDEIRO MES ESTÁ PREVISTA UNHA CHARLA NO IES GARCÍA BARBÓN, DA COÑECIDA ACTRIZ GALEGA ISABEL RISCO. VIRÁ ACOMPAÑADA DOUTRO RELEVANTE PERSOEIRO (XABI XÁCOME) DO NOSO AUDIVISUAL.
VELAÍ VOS VAI UNHA PEQUENA MOSTRA DO QUE FAI......PARA QUE VOS VAIADES ANIMANDO

">

MACHINA "Post-Bravú"

2010-04-23T11:10:00.000-07:00

O BLOG DA ASIGNATURA DE TIC É FINALISTA NO IV PREMIO ESPIRAL EDUBLOGS 2010

2010-04-21T11:46:00.000-07:00

O BLOG DA ASIGNATURA DE TIC

I.E.S. GARCÍA BARBÓN

É FINALISTA NO IV PREMIO ESPIRAL EDUBLOGS 2010

http://profestic2009.blogspot.com

APOIA COS TEUS COMENTARIOS O BLOG DE TIC

MOITAS GRAZAS

O galego tamén se defende con música

2010-04-16T11:00:00.000-07:00

O galego tamén se defende con música

Festival de Queremos Galego

Só quedan unhas horas para o macroconcerto que a plataforma cidadá Queremos Galego celebra mañá en Pontevedra. Será a partir das 19h30 no interior do recinto feiral.

EN VERÍN, QUEREMOS GALEGO

2010-03-16T01:34:00.000-07:00

Make an on-line slide show at www.OneTrueMedia.com

Polémica presentación do decreto de uso de linguas no ensino:::

2010-03-15T05:24:00.000-07:00

O pasado sábado presentóuselle aos medios de comunicación e hoxe remitíuselle aos centros o novo DECRETO de uso das linguas no ensino que entrará en vigor en setembro.

as nosas palabras; chofer:::

2010-03-12T02:41:00.000-08:00

A palabra "chofer" debe ser, segundo o VOCABULARIO ORTOGRÁFICO DA LINGUA GALEGA aguda. Vén do francés chauffeur e de aí derivou ás nosas linguas veciñas: portugués chofer, castelán chofer/chófer, ao inglés chauffeur ou ao alemán Fahrer, Chauffeur. é un substantivo referido á persoa que ten por oficio conducir automóbiles. Compárese co sinónimo conductor.
A primeira vez que apareceu un vehículo que foi capaz de desenvolver o seu propio movemento con enerxía autopropulasada foi non automóbil que coñecemos hoxe en día, senón un triciclo impulsado por unha caldeira de vapor. No ano 1769 o enxeñeiro militar francés Nicolas-Joseph Cugnot usouno para transportar un canón; despois veu a locomotora, tamén de vapor, e só en terceiro lugar apareceu o automóbil con motor de explosión.
En francés esta palabra fai referencia á calor, o verbo quentar é chauffer, e a persoa que se encarga de quentar unha caldeira, o caldeireiro, chámase chauffeur, literalmente: 'quentador'.
Cando apareceron os primeiros automóbiles, non había unha palabra para designar o suxeito que conducía aquel vehículo, así foi que na lingua de orixe se adoptou o nome do traballador que cumpría tal función na locomotora. Como a cultura francesa contaba por entón con gran prestixio, chauffeur foi rapidamente adquirido polas linguas románicas e adaptado ao galego co termo chofer.

BLOGS DO PROFESORADO DO IES GARCÍA BARBÓN

2010-03-12T01:37:00.001-08:00

Blogs Do Profesorado

CONTA ATRÁS co CORRELINGUA:::

2010-03-10T02:11:00.000-08:00

CANTALINGUA

2010-03-08T12:18:00.000-08:00

¿Qué é o Cantalingua?

O Cantalingua é un concurso musical ideado polas entidades organizadoras do Correlingua: a Asociación Socio-Pedagóxica Galega, a Confederación Intersindical Galega-Ensino, a Mesa pola Normalización Lingüística e os concellos de Lugo, Pontevedra, Santiago e Vigo, en colaboración co portal de música en galego Komunikando.net.

¿Quen se pode presentar?

Pois todos os grupos ou solistas de calquer estilo musical que manden unha canción en galego.

¿Que hai que facer?

Moi sinxelo, só tedes que enviarnos unha canción en formato MP3 [obviamente en galego] baixo licencia Creative Commons e un correo electrónico ou teléfono de contacto a correlingua@correlingua.org . As cancións serán colgadas nas páxinas Correlingua.org e Komunikando.net para que poidan ser desfrutadas por todo o mundo.

Ademais do tema en formato mp3, mándanos a foto da banda e un breve texto de presentación.

Os temas deberán ser orixinais, quedando excluídas as versións. A temática das letras será completamente libre, pero ollo! non poderán ter contidos obscenos nin discriminatorios. Recordade que o Correlingua está dirixido a rapazas e rapaces menores de idade. Un pouco de sentidiño… ;)
Importante: o prazo para enviar os temas remata o 10 de abril de 2010.

Os gañadores

Os grupos ou solistas gañadores serán elexidos baixo un sistema mixto de votación popular vía Internet, mais un xurado integrado por persoas vinculadas dunha ou outra maneira ao difícil mundo da música. Os nomes dos gañadores serán coñecidos ao redor do día 15 de abril.

Pero… ¿hai premio ou non hai premio?

Por suposto que o hai! Como sabemos o difícil que é para os grupos galegos facer concertos, ese será o noso premio: 11 concertos para o Correlingua 2010, que se repartirán os tres primeiros grupos ou solistas clasificados no concurso.
Ditas actuacións terán lugar entre os días 3 e 14 de maio de 2010, e contarán cunha remuneración económica de 700 euros por actuación.

O primeiro clasificado tocará 5 concertos
O segundo clasificado tocará 3 concertos
E o terceiro clasificado tocará 2 concertos

Todos os concertos serán pola mañá e terán unha duración aproximada de media hora e deberán ser integramente en galego. No caso de que algún dos gañadores non puidese participar nalgún dos concertos, a lista iría correndo ata completar todas as datas cos grupos que queden entre os 10 primeiros.

E lembrade…

Aínda que soe a tópico… no Cantalingua o importante é participar. O obxectivo non é acadar un premio, senón espallar a música das bandas galegas -a vosa música- entre o maior público posible. Por iso vos pedimos a todos os grupos amateurs e profesionáis, aos rapaces e rapazas, profesorado... ¡PARTICIPADE! Axudádenos a dar a coñecer a música en galego entre os máis novos. Todos sairemos gañando.

IMOS DEIXAR QUE O GALEGO MORRA?

2010-03-08T12:09:00.000-08:00

DESCAGOUGANTE CURTAMETRAXE SOBRE O ESMORECEMENTO DA LINGUA GALEGA:

Galiza, ano 2098 Os coches non voan A xente non se teletrasporta Os seres humanos non están clonados As profecías non se cumpriron Agás a que se refire ao galego

PARA QUE SERVE O GALEGO?

2010-03-08T11:51:00.000-08:00

O GALEGO SERVE PARA TODO O QUE TI QUEIRAS....

CURTAMETRAXE: O SOLDADIÑO DE CHUMBO

2010-03-08T11:43:00.000-08:00

A curtametraxe de animación ‘O Soldadiño de Chumbo’, producida por Continental Animación e Algarabía, e dirixida por Virxinia Curiá e Tomás Conde, vén de recoller dous galardóns no festival REC 09, celebrado na localidade asturiana de Llanes, e no Festival Pata Negra, da vila de Guijuelo (Madrid).”

Ademais destes dous recoñecementos O Soldadiño de Chumbo vén de ser seleccionada no importante festival internacional Stop-Motion Film Festival de Montreal e está pendente de saber si fiinalmente recibirá o premio á mellor curtametraxe de animación no Filmest de Badalona.

A curtametraxe, que conta coas voces de Luis Piedrahita e Manuel Manquiña, e coa composición musical de Emilio Aragón, continúa así a súa andadura por festivais tanto estatais como internacionais.

BOCABERTA

2010-03-08T11:24:00.000-08:00

NAVEGA NA PÁXINA DA SECRETARÍA XERAL DE NORMALIZACIÓN E DINAMINACIÓN LINGUÍSTICA NO PROGRAMA BOCABERTA, HAI DE TODO MEUS (FONDOS DE ESCRITORIO, BD, MÚSICA, TALLERES DE CREACIÓN LITERARIA, HIP-HOP, .....). PARA PASAR UN BÓ RATO E ESQUECER OS ESTUDOS UN CHISCO. DENDE O ENDL DO BARBÓN RECOMENDÁMOLA ENCARECIDAMENTE

ANIMÁDEVOS (SE QUEREDES) PINCHANDO EN:

http://www.xunta.es/linguagalega/animacion_bocaberta

BANDA DESEÑADA EN GALEGO, OF COURSE

2010-03-08T10:59:00.001-08:00

NESTE TEMPO QUE ARREPÍA NADA MILLOR QUE BOTAR UNHAS GARGALLADA, CON MOITA RETRANCA.....
TENTAREMOS POÑER ESTA REVISTA DE HUMOR Á VOSA DISPOSICIÓN EN BREVE. QUEN QUEIRA ABRIR BOCA PODE PASAR POLA BIBLIOTECA DO INSTI QUE HAI MOITA BD EN GALEGO OU DARSE UN PASEO NO SEGUINTE ENDEREZO DE INTERNETE

http://www.culturagalega.org/bd/index.php

O TOXO RABUDO

2010-03-08T10:34:00.001-08:00

AQUÍ ESTAMOS DE NOVO. FOMENTANDO O AUDIOVISUAL GALEGO (DE BALDE), OUTRO SITIO NOVO PARA DESCARGAR MÚSICA DA QUE VOS GUSTA...

Pinchade no seguinte enderezo ou ide a sección de AUDIOVISUAL GALEGO DO NOSO BLOGUE:
http://otoxorabudonetlabel.blogspot.com/

a mellor música do momento!!!:::

2010-03-03T02:16:00.000-08:00

a mellor música do momento segundo un blog chamado AS GABARRAS
CLICA NA LIGAZÓN E BÁIXAA!

20 MENTIRAS SOBRE A LINGUA GALEGA

2010-02-24T10:24:00.000-08:00

Prolingua 20 Mentiras sobre a lingua galega (2010)

View more presentations from A profa .

"Orgullosos do noso, orgullosos do galego":::

2010-02-22T09:17:00.000-08:00

Actores, músicos, modelos... todos coa lingua galega nunha campaña. Podes acceder aos anuncios para TV desde desta ligazón.

CURTAMETRAXE: a revolta dos mouses

2010-02-17T07:15:00.000-08:00

abraiante, unha mostra máis do que se fai neste pais. Por certo, noraboa a Tosar¡¡¡

PREMIOS DE POESÍA, RELATO CURTO E MÚSICA "O GRELO"

2010-02-09T10:14:00.000-08:00

BASES DO XVI PREMIO DE POESÍA “O GRELO”

SI QUERES PARTICIPAR ENTRA NA SEGUINTE PÁXINA WEB:
http://www.fundacionamigosdegalicia.org/premios/premios.htm

BLOGS DE PROFESORES E PROFESORAS FEITOS EN VERÍN

2010-02-08T08:46:00.001-08:00

Blogs feitos en Verín

MÁIS MÚSICA EN GALEGO DE BALDE

2010-02-06T08:47:00.000-08:00

Si queredes descargar (copyleft) máis música en galego actual entrade no blogue seguinte (de todos xeitos está no apartado de música e cinema do noso blogue.

http://aregueifa.blogspot.com/

QUE RAPAZALLADA....!

2010-02-06T05:45:00.000-08:00

Eutanasia nos mozos

Onte á noite a miña mamá e eu estabamos sentados na sala falando das
moitas cousas da vida... entre outras... estabamos a falar do tema de
vivir/morrer.

Díxenlle: 'Mamá, nunca me deixes vivir en estado vexetativo, dependendo de
máquinas e líquidos dunha botella. Se me ves nese estado, desenchufa os
artefactos que me manteñen vivo. PREFIRO MORRER'.

¡ ¡ Entón, a miña mamá ergueuse cunha cara de admiración... E
desenchufoume o televisor, o DVD, o cable, Internet, o PC, o mp3/4,
a Play-2, a PSP, a WII, o teléfono fixo, quitoume o
móbil, a ipod, o Blackberry e tiroume todas as cervexas!!!

¡ ¡ A nai que a pariu !! ... ¡ ¡ ¡ ¡ CASE MORRO !!!!

EU FALO.........

2010-02-06T05:02:00.001-08:00

Benvida, benvido a EuFalo.TV. Isto é un documental colaborativo sobre a lingua e os falantes. Levamos uns meses a percorrer Galicia buscando historias de xente que fala. No que pode, no que sabe, no que lle peta ou dá a gana. Todo o mundo ten unha historia coa lingua. Cal é a túa?

http://eufalo.tv/

Música DANCE:::

2010-02-04T04:18:00.000-08:00

55 mentiras sobre a lingua galega será presentado en Verín canda a outras 62 localidades ao mesmo tempo e no facebook:::

2010-02-03T01:14:00.000-08:00

VERÍN CASA DA CULTURA ÁS 20.30 VENRES 5 DE FEBREIRO
O libro das 55 mentiras… será presentado simultaneamente en máis de sesenta localidades
Esta é a listaxe provisional das 63 localidades nas que se fará a presentación do libro 55 mentiras sobre a lingua galega o próximo venres 5 de febreiro. Indicamos tamén o nome das persoas que participarán no acto en cada vila e cidade. As presentacións que se celebren en Galicia e no resto do estado español comezarán ás 20:30; os horarios no estranxeiro e outros aspectos desta actividade detallarémolos nos próximos días:
A Coruña, Sala de Prensa Fundación Caixa Galicia (Cantón Grande, entrada por Rúa da Estrela): Mercedes Queixas, Pancho Pillado, Martin Pawley e Alfredo FerreiroA Estrada, Agrupación Cultural KenKeirades: David Otero e Antía OteroAllariz, Fundación Vicente Risco: Teresa Devesa e Antonio BlancoBaio (Zas), Auditorio de Baio: Teresa Castro, Antonio Díaz Amor, Ricardo VigueretBaiona, Biblioteca Municipal: Concha Costas e Anxo RatelBarcelona, Centro Galego (Rambla Caputxins 35-37): Pere Comelles, Sabela Labraña, Xiana Díaz e Paulo Filgueiras.Bethelem (Palestina), Libraría Kalila w-Dimma: Moncho Iglesias Miguez e Samar SabatBos Aires (Arxentina): Débora Campos e María Rosa Lojo (local en tramitación)Bruxelas (Bélxica), Livraria Orfeu: Ana Fontal, Xavier Queipo e Manuel GonzálezCacheiras-Teo, Mediateca do Grilo: Carme Hermida, Xosé Mª Lema Suárez e Rosa Moreiras CuñarroCaldas de Reis, Biblioteca Municipal: Ana Rial, Cesar Longa e Xosé CandalCambados, libraría Ramón Cabanillas (Rúa do Hospital, 40, baixo): Paco Fdez. Rei, Emilio Insua e Pilar PonteCangas, Auditorio Municipal: Héitor Mera, Rita Paredes, Ana Ameal e Xosé Manuel GonzálezCarballo, Pazo da Cultura: Xan Fernández Carrera, Silvana Castro e Farruco FragaCarnota, Confraría de Pescadores de Lira: Chisco Naval, Mercedes Díaz Maián e Belén CamposCelanova, Aula de Cultura Caixa Galicia: Xoán Carlos Domínguez Alberte e Leopoldo Rodríguez PugaCerceda, Biblioteca Pública de Cerceda: Xosé Bocixa e Manuel LourenzoChantada, Casa da Cultura: Manolo Figueiras e Xosé MirandaCopenhague (Dinamarca), Libraría-Café Rayuela: Alejandro Tobar e Iago CordalCorcaigh/Cork (Irlanda), University College Cork: Isaac Xubín, Ciaran Dawson, Carlos Seco e Patrick O'FlanaganCotobade, Multiusos de Carballedo: Hadrián Faílde Perdiz, Antón Vidal Andión e Malores VillanuevaCuntis, Casa da Cultura: Héitor Picallo Fuentes, Olimpo Arca, Maka Arca Camba, Silvia Fernández Piñeiro e Santiago Martínez LópezFene, Casa da Cultura: César Yáñez, Moncho Gándara, Quique SanfizFerrol, Ateneo Ferrolán: Xosé Manuel Pérez Sardiña, Xosé Lastra e Xosé Manuel López LeiraGondomar, Aula de Cultura Ponte de Rosas (Avda. da Feira nº 10): Xilberte Manso, Gonzalo Navaza. Atención! En Gondomar a presentación será ás 20:00Guitiriz, Casa das Palabras: Alfonso BlancoLalín, Museo Ramón María Aller: Rafa Cuíña, Alberto Granxa e Luz MéndezLisboa (Portugal), Casa do Brasil: Antonio Mira e André Filipe SimõesLondres (Gran Bretaña), Instituto Cañada Blanch: Inma Gil Rosendo e Eva MoredaLubián (Zamora), Salón de plenos do Concello de Lubián (Souto da Feira, 7): Felipe Lubián e Carme PousaLugo, Librería Trama: Paco Martín e Antonio ReigosaMadison (Wisconsin, EEUU), University of Wisconsin, Edif. Ingraham, Aula 133: David MacKenzieMadrid, Ateneo de Madrid: Alejandro Hermida, Asunción Canal Covelo e Laura Montes IglesiasMarín, Biblioteca Municipal: Ana Acuña, Carlos Solla e Lucía OuteiroMelide, Centor Social Xosé Vázquez Pintor: Vanessa Martínez Iglesias, Xosé Vázquez Pintor, Xosé Luís Santiso e Valentina FormosoMoaña, Centro Cultural Daniel Castelao: Asunción Soñora Abuín, Daniel Costas Currás, Benxamín Riobó Sanluís e Xabier CordalMonforte, Galería Sargadelos: Xosé Manuel Eyré e Suso VeraoNablús (Palestina), Libraría Kubut: Fahed Salahat e Mohamed SalahatNigrán, Casa do Concello: Anxo Valverde, Xan Lois Cabreira e Emma LázareNoia, Casa da Cultura Avilés de Taramancos: Lola Arxóns, Agustín Agra e Carlos MaquieiraNova York (EEUU), New York City University: Alexandre Alonso Nogueira e Humberto Ramilo CostasO Barco, Biblioteca Municipal: Manuel Agra, Luísa G. Macía e Xaquín FreixeiroO Grove, Casa da Cultura "Lueiro Rei": Xesús Mª González Domínguez, Luís Rei, Rosario Pérez Magdalena e Patricia Arias ChacheroOurense, Ateneo de Ourense: Serafín Alonso, Xosé Antón Laxe Martiñán e Xián BobilloPadrón, Casa do Patín: Anxo Angueira, Rita Bugallo e Xosé García LapidoParís (Francia), Instituto Cervantes (sala 1.3): Martinha Varela e Antón FigueroaPobra de Trives, Casa da Cultura: Mónica Baleirón e Mª Luísa TraviesoPonferrada, Sala da Obra Social de Caja España en Ponferrada: Paco Velasco, Nuria Varela e Rafael AdánPonteareas, Biblioteca Municipal: Alberte Reboreda, Anxo Saborido e Xosé Manuel MooPontedeume, Centro Municipal de Maiores: Xosé Francisco Correa Arias, Xoán Lorenzo Crespo.Pontevedra, Galería Sargadelos: Ana Outón, Ana Iglesias e Elvira RibeiroRibadavia, Casa da Cultura: representantes da Plataforma Ribeiro pola LinguaRibadeo, Casa das Letras: Xavier Campos e Rocío DouradoRibeira, Ateneo Valle Inclán: Encarna Pego, Miguel Louzao, Pura Prado e Alexandre Cortés AyasoSalceda de Caselas, salón de actos do CEP Altamira: Suso Sánchez e Flori VelosoSan Martiño de Trebello (Val do Ellas, Extremadura), Casa do Concello: Domingos Frades Gaspar, Severino López Fernández e Máximo GasparSantiago, Librería Couceiro: Xosé Luís Regueira, Antón Dobao e Mª do Carme Ríos PanisseSaraievo (Bosnia), Kulturni Center Fuad Jahic: Jairo DoradoTrintxerpe (Guipúzcoa), Tenencia de Alcaldía de Trintxerpe, concello de Pasaia: Xosé Estévez, Manolo Irixoa, Filipe Domínguez e Koldo IzagirreTübingen (Alemaña), Libraría Rosa Lux: Aitor Rivas, Johannes Kabatek e Mariana PetittiTui, área Panorámica (antigo S. Paio): Helena Pousa e Alberto Valverde Verín, Casa da Cultura: Xesús Lantes, Bieito Barreira e Zeltia Barreira Viana do Bolo, IES Viana do Bolo: Carlos Ferreiro González e Patricia Fernández LópezVigo, Casa Galega da Cultura (Fundación Penzol): Xosé Henrique Costas, Manuel Bragado, Agustín Fernández PazVilafranca do Bierzo, Casa da Cultura de Vilafranca: Marisa Cela e Antonio NestralVilagarcía, auditorio municipal: Xan Guillén, Héitor Silveiro e Cruz López MartínezVilalba, Salón de Actos da Casa da Cultura: Primitivo Iglesias, Luis Villares, Moncho Paz, Ricardo Polín e Antía Veres GestoVitoria/Gasteiz, salón de actos do Centro Galego de Vitoria: Xavier Iglesias, Itziar Ayestaran, Idoia Ezeiza e Débora Álvarez Moldes

carta dos investigadores do Instituto da Lingua Galega [ILG]ao presidente do goberno galego:::

2010-01-29T09:52:00.001-08:00

Excmo. Sr. Presidente da Xunta de Galicia,

Á vista das Bases para a elaboración do decreto do plurilingüismo no ensino non
universitario de Galicia presentadas pola Xunta de Galicia o pasado 30 de decembro, os investigadores do Instituto da Lingua Galega dirixímonos a vostede para lle manifestar a nosa preocupación polas consecuencias negativas que este conflito ten para o status da lingua galega, facendo nosa en todos os seus aspectos a análise elaborada pola Real Academia Galega e feita pública o día 16 de xaneiro.

Consideramos que o novo decreto, a teor das Bases publicadas, representaría unha
involución no proceso de normalización da lingua galega. A súa aplicación faría imposible que a maioría dos alumnos e alumnas poida chegar a ter competencia comunicativa na lingua propia de Galicia, co que se agravaría o déficit que xa existe na actualidade, como sinalan todos os estudos científicos, e que só é posible corrixir con medidas de discriminación positiva cara ao galego. Esta situación suporía unha seria eiva na formación dos estudantes, que dificultaría a súa capacitación futura, privaríaos do acceso ás súas raíces culturais e limitaría a súa proxección cara aos ámbitos de lingua portuguesa.

Esta nova política lingüística da Xunta de Galicia é cuestionada con serios argumentos
xurídicos por un numeroso equipo de xuristas, e no ámbito educativo provoca enfrontamento e conflito. Por estas razóns é rexeitada de maneira unánime polos diferentes colectivos implicados nestas etapas do ensino (pedagogos, profesores, pais e alumnado) e pola sociedade en xeral, como se fai evidente polos numerosos pronunciamentos contrarios a esta norma e se plasmou na multitudinaria manifestación que tivo lugar o pasado día 21 de xaneiro en Santiago de Compostela.

Por todo isto, instámolo a volver ao consenso que presidiu a política lingüística en
Galicia desde a promulgación da Lei de normalización lingüística ata a aprobación do Plan xeral de normalización da lingua galega. Animámolo a desenvolver as medidas de normalización real da lingua previstas neste plan, o cal expresa a vontade política unánime dos representantes da cidadanía galega nunha altura en que o seu partido tiña maioría absoluta no Parlamento Galego e en que vostede mesmo era un dos máximos representantes do Goberno de Galicia.

Persoal investigador do Instituto da Lingua Galega
Universidade de Santiago de Compostela